لێوەكانت هێمای جوانی و ناسكی لە خۆدەگرێت، لەگەڵ دیمەنێكی سەرەنجراكێش دروست دەكات بۆ گشت لایەنێك، بۆیە گرنگی دان بە ستایلی لێو و ماكیاژكرنی دەبێتە رێگەیەك بۆ جوانی و ناسكی رووخسار. چەندین هەنگاو و ماكیاژی تایبەت هەن بۆ زیاتر جوان كردنی لێو، ئێمەش بۆتان روونی دەكەینەوە..
- بۆ ئەوەی زیاتر لێوت رەنگەكی بپارێزێت و بمێنێتەوە، سەرەتا چینێكی سادە لە تەڕكردنی لێو بەكاربهێنە، دواتر سووراو لە لێوت بدە، ئەم شێوازە وادەكات رەنگەكە لەسەر لێوت بچەسپێت.
- بۆ ئەوەی لێوت بە پڕی دەربكەوێت یان بە گەورەیی دەربكەوێت، رەنگی بریقە لە ناوەڕاستی لێوت بدە و بەم رێگەیە شێوەیەكی پڕی لەخۆ دەگرێت.
- لە كاتی یاد و بۆنەكانی شەوانە، رەنگی بە بریقە بەكاربهێنە وەك : رەنگی (زیوی – زێڕ)!
- بۆ ئەوەی لێوت بە بچووكی دەربكەوێت، رەنگی لێوت لە رەنگە داخراوەكان بەكاربهێنە وەك رەنگی (قاوەیی – سوورێكی تۆخ – پەمەیی تۆخ). لە رەنگە بە بریقەكان دوور بكەرەوە.
- پسپۆرانی بواری جوانكاری بۆ رەنگی پێست و رەنگی لێو ئەو رێنماییانە لیستی رەنگەكان دەدەن :
• بۆ ئەوانەی پێستیان ئەسمەرە – رەنگی لێو سووری نزیك لە رەنگی قاوەیی بەكاربهێنن.
• پێستی زەیتوونی (رەنگی كراوە تر لە ئەسمەر) – رەنگی خۆخ و زێڕ.
• پێستی نزیك لە رەنگی سوور – قاوەیی لە رەنگی خۆخ.
• پێستی سپی – رەنگی مشمش – خۆخ – پەمەیی.

ئه‌گه‌ر ئه‌ته‌وێت ئه‌م ماڵپه‌ڕه‌ به‌رده‌وام بێت ده‌نگێکی بۆ تۆمارکه‌‌